ايش وضع وكيل اودي ساماكو؟

مادري عن خراباتها لكن فيه معلومة ممكن مافكرت فيها وتخليك تنحاش منها , وهي إنك اليوم تشتريها بـ 250 ألف ترى بعد 5 سنوات ماتجيب لك 70 ألف . . . .

يعني طايح من قيمتها 70 % ( وهي نظيفة ) تخيل ! ! ! ! هذا إن حصلت لها الزبون بسرعة ولا طاحت بتسبدك بالشهور . . . . . فأنت محظوظ هنا . . . .

في الجهة الثانية السيارات اليابانية وأشهد بالله إنها ( شيك بالجيب ) تلقى طايحة من قيمتها 40 - 45 % فقط بعد 5 سنوات من استعمالها . . وزبونها والم وفلوسه جاهزة . . . .

طبعاً السليمة والنظيفة أقصد . . . . وهذه ميزة تحسب للسيارات اليابانية عندنا ولن تجدها إلا في سياراتهم فقط . . . . . كلمة الحق لازم تنقال . . . . .

رينو بيجو فولكس VW الاقل فخامة تتعبك صيانة و قطع
كيف الاودي و البي ام و المرسيدس !
و تلقى ياباني فخم او امريكي كل المواصفات
و بسعر اقل و صيانة معقولة لا تحد نفسك و انت تسأل لانه تهمك فلوسك
لو انك مليونير ما سألت و لا فكرت و لا حتى تجي هنا بالمنتدى

اذا تبغى تركب خدلك أودي
اذا تبغى تبيع خدلك لكزس

خارج الوسط اختصر الموضوع وعطاك العلم الصح
حرام اشتري موتر ب300 الف وبعد 5 سنين ماتجيب غير 20% من سعرها
بصراحه اشوف الاودي هدر مالي

الله يعطيكم العافية جميع، ردودكم و ارائكم على راسي من فوق

اذا تبي تركب الماني لاتبعد عن المرسيدس هي الاكثر اعتماديه والارغب عند البيع والاكثر دعم

اودي سياراتها جميلة كمواصفات وتقنية وسعر يعتبر تقريبا ارخص من المنافسين لكن مشكلتها واللي لاحظته شغلتين:
سعر بعد البيع وصيانة السيارة

الصيانة في اودي تعتبر معقدة مقارنة ببي ام دبليو أو مرسبدس...وفي فيديوهات أجنبية وسام فيدال شرحوا عن هالمشكلة

اذا تبي تاخذ اودي كاعجاب للشركة وتاريخها وكذا اقول لك خذه اذا خاطرك فيه
لكن تاخذ سيارة كاستعمال وهمك عمليتها وصياناتها كألمانية يؤسفني بقولي لا تأخذها
اذا تبي الماني توجه لمرسيدس E class...صحيح التصميم الخارجي نص ونص بالنسبة لي شخصيا لكن مواصفات وصيانة اسهل من البي ام بشي بسيط
مع إن القاسم المشترك إنه اوروبي وطبيعي يكون صياناتها معقدة نوعا ما

اذا ماتبي سيارة تخرب وفخم روح للكزس اللي سعرها مثل الالماني ومافي مواصفات وبعض القطع فيه أغلى من الالماني وباخلين في بعض الشغلات بالجودة


الله يكتب لك الخير ويعينك على الاختيار...شي متعب ولكن إذا درست الموضوع من كل الجهات وأخذت السيارة المناسبة لك إن شاء الله ماتندم

السلام عليكم
من خلال بعض الناس اللي جربوا السيارات الاروبية مثل اودي و بي ام السعر بعد 4 سنوات ينخفض انخفاض كبير ولا يوجد اقبال كبير او رغبه عند الناس لمثل هذه السيارات ...
الصيانه ليس كل الورش مختص او يعلم عن صيانه هذه السيارات...
ايضا لا بد من التفكير بقطع السيارة هل هي متوفرة ولا لا اذا انتهى ضمان المصنع ...
من ناحية الجودة يوجد سيارات من مصنعين اخرين جودة سياراتهم اعلى مع سعر منافس وتوفر بقطع الغيار...

عندي لك اودي a7 2013 لونها خرافي

اذا لك رغبه كلمني واتس 0559933456