هل اخذ فيزا من بنك؟

ما انصح ابدا ... السبب اذا علقت مع البنك حل المشاكل معهم صعب جدا جدا

عن تجربه من سنوات طويله أخذت بطاقة فيزا من البنك عن جهل منّي وقعدت أسدد فيها ينوات طويله
الفيزا إذا أخذت خمسه آلاف سددها كامله قبل مضي شهر تسددها خمسة آلاف وإذا بتسددها أقساط الله يعينط تسددها بعد عشره سنين
أذكر كنت أسدد كل شهر خمسمائة ريال وكانوا يأخذون قرابة 300 ريال عموله و200 تعتبر تسديد .

ينوات طويله = سنوات طويله

الله يعينط = الله يعينك

أعتذر عن الأخطاء الغير مقصوده .

قوله تعالى: {وَأَحَلَّ اللَّهُ الْبَيْعَ وَحَرَّمَ الرِّبَا} [البقرة من الآية:275]،

انفذ بدينك



انفذ بجلدك



وبالتوفيق للجميع

خدها ولكن وحط الف خط تحت كلمة لكن
المبلغ اللي تاخده ترجعه مع استلام الراتب
اعتبر انك تسلف نفسك احسن ماتطلب من الناس
بااختصار استخدمها بذكاء او اتركها

حرام في حرام
اصحاب البنوك يهود اكثر من اليهود نفسهم

لو تروح لحقين التقسيط بيعطيك ال5 ب8 الاف 
البنك مستحيل يعطيك قرض 5 الاف 
النايفات والجاسريه بيجلدونك ولو بغيت تسددهم وتفتك ياخذون فايده جامده
ويسحبون فيك لين يحذفون دينك من سمه حتى لو التزمت بالسداد

لذلك افضل شي خذ الفيزا وحاول قد ماتقدر انك تسدد لو النص عند نزول الراتب

يفضل سحبها وإبداع المبلغ كامل قبل نهاية الشهر عشان لا تدخل في الفوائد

نصيحه محب لاتاخذها لو تظطر تتسلف من اقاربك او اخوياك
اخوي نصحته وماسمع مني وراح طلعها قبل فتره 
والحين ندم  ويدور مكتب يسددها عنها  لان المبلغ الي تسحبه منها
لازم ترجعه اخر الشهر ولا راح يزيد عليك نظامها حوسه 
ولخبطه  راح تفرح فيها اول ماتطلعها لكن من ثاني شهر 
راح تتحسف وتندم  فهذي نصيحتي لك والله يفرج همك