أضف سؤال أو موضوع جديد          

لأصحاب أودي A6

up 3 down 1
سعد حميد الشريف 7
قبل 5 سنه و 10 شهر



السلام عليكم ورحمة الله وبركاتة

.. أنا موظف في أحد البنوك
و وصلنا عرض على أودي و رحت لساماكوا بجدة و أعجبتني الأودي2016 A6 35 TFSI بالنسبة للعرض دفعة أولى 35 الف و دفعة أخيرة 55 الف و قسط السيارة الشهري 2000 ريال و أجمالي التكلفة 185 ألف . السيارة بتكون وكالة و خمس سنوات ضمان و ما راح تطلب قطع .


بحثت في النت و شفت أكثر المنتديات العربية ما يمدحونها من ناحية الصيانة و قطع الغيار و بحثت في منتديات أجنبية محد ذم السيارة ابدا . فقررت أني أسئل أحد الزملاء من ملاك أودي و نصحني فيها بشدة
بالنسبة لقطع الغيار و من خلال بحثي في المنتديات الاجنبية معظمهم يشتريها أون لاين و اسعارها بتراب الفلوس
هالموقع يمدحونه لشراء قطع السيارات http://www.autohausaz.com/ و اجانب مقيمينه أنه جدا ممتاز
أتمنى من أي شخص جرب الأودي يفيدني علما بأن دخلي الشهري ما بين 6000 الى 10.000 شهريا هل بتكون مناسبة لي ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بعض قطع الغيار وزنها كبير او حجمها كبير وبتكلفك كثير في شحنها الى موقعك .  رأيي تروح الوكالة وتسأل عن القطع المعروفه للسيارة وتقيم الوضع . ونتمنى من اخواننا اصحاب الاودي يتحفونا بالمشاركة . وبالتوفيق اخي العزيز


up 4 down 1
ابو احمد الشهير 220
قبل 5 سنه و 10 شهر



فمنطقتنا الاوروبي ماياكل عيش نصيحة بعيد عن القروشة خذلك شي طيب ياباني او امريكي 

لكن اوروبي وخر وهج


up 6 down 0
انت اخر امالي 624
قبل 5 سنه و 10 شهر



انامثللك ابحث عن اودي  اليوم فحصت 2014 وأمس 2015 طلعت مصدومه من الامام  والثانيه مكروفه كرف ومنزل عدادها 
المستعمل مافيه فايده حتى لموديل جديد 
مادري عندهم عرض 50%50 ادفع النص والباقي أقساط وهل ينطبق على غير الموظفين 
اذاغير موظف أعمال حره ومستعد ادفع النص كاش وتبقى باسمهم سنتين واسددهم 
مادري هل ساماكو اوالناغي اوالجفالي يعطوني 
ابغى ألماني جديد 


up 2 down 0
جون سيلفر -187
قبل 5 سنه و 10 شهر



اذا هذي الفئة وطلع بالاقساط 185 فهذا سعر جيد 
ﻷن قيمة السيارة كاش أعلى 
واحد من الزملاء مشتري أفالون 2014 طلعت عليه بالاقساط 205 ألف

أنا أشوف انه عرض ممتاز ﻷنك 5 سنوات السيارة ماتحط فيها مبالغ صيانة
وكذلك 5 سنوات السيارة تأمين شامل
انت فكر اذا القسط تقدر عليه توكل على الله السيارة طيبه عن تجربة 


up 3 down 0
أبو أحمد 1300 133
قبل 5 سنه و 10 شهر



الاودي موتر ماعليه كلام ابد واذا عقد الصيانة موجود ممتاز. ولكن بعد ٥ سنوات مارح تجيب ٥٠٠٠٠ حط ببالك ذا الشي


up 2 down 0
benz lover -75
قبل 5 سنه و 10 شهر



الاودي السياره الاولي في المانيه بس عيبها بالخليج كله مالها سوق يعني توقع بعد سنه من تشتريها تطيح نص القيمه


up 2 down 1
k_sp1 167
قبل 5 سنه و 10 شهر



وش لك بوجع الراس خذ لك من السيارات المتعارف عليها تراها كلها حديد اهم شي توديك وتجيبك
وزي ماذكرو الاخوان بانه توقع راح يطيح سعرها وماراح تجيب لك قيمه اشتري لك من السيارات المتعارف عليها اول شي ماشاء الله شوارعنا مررررررره ووواااًو كل ابوها حفر



up 2 down 0
مدينةجدهه 33
قبل 5 سنه و 10 شهر



مافي سارة ماتطلب قطع غيار
الضمان لايشمل تغيير الزيوت والقطع الاستهلاكيه
وكل ماجيت تسوي صيانه تحت الضمان راح تزيد تكلفت الصيانه 
وانت راتبك مايناسب مثل هالسيارة 
عندك مصاريف لو تحسبها من والى صدقني بتورط فيها

اخوي راتبه 9 الف ويوم قالوا له صيانة الاكسنت ب850 سحب عليهم ههههههههه

لاتقول بسوي صيانة برى لان محد يفهم فيها
بتنجبر على الوكالة
وانصحك قبل كل شي تروح الصيانة وتسئل عن جدول صيانة السيارة كم اسعاره وانا متاكد بعد ماتعرف الاسعار راح تبطل منها


up 1 down 1
شويخ من أرض مكناس 2823
قبل 5 سنه و 10 شهر



السيارة حلوة كاداء

قطع الغيار وغيره 5 سنوات ما بتدفع شي ما توقع فيه احسن من كذا 

انا جربت a4 حلوة خاصة الرساوة و الراحة لكن ما عجبني شكلها هنا ما راح تحصل واحد يمدحها لانهم ما يعرفوها حتى لو ممتازة 


قبل فترة نزل موضوع واحد بيشتري مرسيدس c في الاخير نصحوه بكورولا فل كامل!!!! 




up 2 down 0
almuhands 242
قبل 5 سنه و 10 شهر



جدول الصيانه ادخل على موقع ساماكو وتقدر تطلب أجور الصيانه لأي فءه 
شفت الأودي a6 اول صيانه وأقل صيانه لها فوق 1000الف ريال والباقي يزيد الرقم تصاعدي طبعا 
المشكله انو في المدينه مافي وكيل لها حتى لكن في مركز يسوي لها صيانه وفاهم مثل الوكاله 


up 0 down 0
جون سيلفر -187
قبل 5 سنه و 10 شهر



الاودي ممتازه كجوده وقطع الغيار تقدر توفرها
لاكن المهم هو ان سعرها اصفار ب 145000 الف شوف الاعلان 10823811
يعني تاخذ قرض وتاخذها مستعمل اصفار احسن من انك تدفع 40000 فوق سعرها في السوق ولو تاخذ 2015 ماشي قليل احسن بالف مره لان راتبك مايساعد وبعد شهر يروح الحماس من الموتر ويبقى الدين ل 5 سنوات


up 1 down 0
ابوزياد123321 208
قبل 5 سنه و 10 شهر



راتبك مو قد السيارة ذي 


up 0 down 0
mfh2009 372
قبل 5 سنه و 10 شهر



السلام عليكم ورحمة الله محتاج قطع من دبي لمقدمة اودي A6 موديل 2016 اللي له خبره في تشاليح دبي او ارقام لايبخل علي شاكر ومقدر لكم


up 0 down 0
majed7004
قبل 4 سنه



السلام عليكم ورحمة الله محتاج قطع من دبي لمقدمة اودي A6 موديل 2016 اللي له خبره في تشاليح دبي او ارقام لايبخل علي شاكر ومقدر لكم


up 0 down 0
majed7004
قبل 4 سنه