Audi A8 4.2 quattro موديل 2000

االي اعرفه ياخوي عن الموديل هذا انه مشاكله كثير واحتمال 
ماتلقا له قطع واذا انت من اللي يعشق الألماني عندك المرسيدس والبي ام 
نفس الموديل اللي ذكرته اعتماديه ومنتشره بكل مكان 

الصراحة الموديل قديم و بيتعبك بالمشاكل و قطع الغيار 

اذا ماتقدر تصلح في ورش الصيانة الكبيرة او الوكالات وتدفع الوف انصحك فر منها فرارك من الاسد
كل ما زادت الانظمة في الموتر زادت احتمالية خراب القطع (لذالك التويوتا القديم مايخرب مكينة وقير وكفرات)
فاذا كانت اغلب ورش السباكين ماتعرفلها اذا ستظطر انك تصلح في الوكالة او عند ورشة كبيرة فيها فلبينيين وفي الحالتين ستدفع مبلغ وقدره 
غير فلوس القطع اللي لوحدها سعرها غالي خاصتا في اعلى فئة 

مر عالصناعية وانظر الى كمية الالماني المغبر كل وحدة منها فيها قطعة خربت اجبرت راعيها انه ياخر قرض ويشتري كوريلا

نصيحة ابعد عنها

سيارة مر على موديلها 15 سنة وماشية 200 ألف أكيد رح تحتاج صيانة وقطع

الميكانيكيين الي يفهموا للأودي قليلين والوكالة سعرهم نار سواء في القطع أو أجرة الصيانة

إذا انت من محبين الالماني فلا تاخذ إلا مرسيدس

جزاكم الله خيرا جميعا وشكرا عالنصح
والله فضلتم

والله ياخوي من وجهة نظري السيارة لها 15 سنة، يعني عمرها الافتراضي انتهى بغض النظر عن نوعها. 

غير كذا حسب علمي وكيلها ما له فرع في المدينة المنورة، والسيارة أغلب قطع غيارها غير متوفرة إلا لدى الوكيل. 

الله يكتب لك الخير 

ابعد عنها وقطع غيرها مووت تخيل بس مروحة تبريد اتباع بتشليح 500 ريال تبي الماني عليك المرسيدس وعليك شبح 500

حط الثوب بفمك وانحااااااااااااااش الاودي ماتسوا ريال اذا مر عليها اكثر من ٥ سنين وخلص ضمان الوكالة ابتعددددد بتذوق العذاب صدقني

جزاكم الله خيرا جميعا
ما قصرتم وشكرا على النصيحة

إذا جدة اللي متواجد فيها فروع الوكيل  ويعانوا أصحاب  الأودي  من هالناحية  فما بالك انت في المدينة 

مثل الأخوان اللي فوق النحشة النحشة >>>>>> ولاغير النحشة 
لكن والله مواتر الأودي  تعجبني وتلفت انتباهي  منذ مبطي لكن دام الواحد ماعنده استطاعة مادية على تحمل تعقيداتها 

وغلاء قطعها وغثا الوكيل فالأحسن  النحشة أكيد وبالتوفيق